Informasjonskapslar

Vi bruker informasjonskapslar og liknande lagring berre når det er nødvendig for at nettsida og tenesta skal fungere godt og sikkert. Vi prøver å halde dette så enkelt og avgrensa som mogleg.

Det som må vere på plass for at tenesta skal fungere

Når du loggar inn i Ressursflyt, blir nødvendige informasjonskapslar brukte for å halde deg innlogga, verne innlogginga, sørgje for trygg utlogging og få tenesta til å fungere som ho skal frå side til side. Utan desse vil du ikkje kunne bruke løysinga på ein trygg og stabil måte. Dersom kunden har teke i bruk funksjonar for å byte mellom fleire lagra kontoar i same nettlesar, kan det òg brukast ekstra verna lagring for å hugse kva kontoar du sjølv har valt å ha tilgjengelege der.

Val du gjer sjølv

Nokre val blir lagra fordi du ber oss om å hugse dei. Viss du til dømes vel lyst, mørkt eller automatisk tema, kan dette lagrast i nettlesaren din slik at du slepp å velje på nytt kvar gong. Fleire andre brukarinnstillingar blir lagra i profilen din inne i tenesta i staden for i nettlesaren. Det gjeld mellom anna innstillingar som gjer arbeidsflater og tabellar enklare å bruke over tid. Dette er laga for å gi deg ein betre kvardag i tenesta, ikkje for å byggje profilar om deg.

Det vi ikkje bruker

Vi bruker ikkje marknadsføringskapslar på sidene våre, og vi køyrer ikkje besøksregistrering. Vi lagar ikkje eigne besøksprofilar, vi følgjer deg ikkje på tvers av andre nettstader, og vi bruker ikkje nettlesarlagring for annonsering. I den innlogga delen bruker vi avgrensa driftsmåling for sikkerheit, feilsøking og stabilitet, og dette skjer som samanstilte tal heller enn detaljert sporing av enkeltpersonar.